निधन वार्ता
मंचर प्रतिनिधी
मंचर : पहाडदरा येथील गंगाराम केदारी यांचे सोमवार, दि. १७ ऑगस्ट २०२६ रोजी वृद्धापकाळाने दुःखद निधन झाले. मृत्यूसमयी ते ८६ वर्षांचे होते.
त्यांच्या पश्चात दोन मुले, एक मुलगी, नातवंडे, पतवंडे असा मोठा परिवार आहे. रयत शिक्षण संस्थेचे महात्मा गांधी विद्यालय व कनिष्ठ महाविद्यालय, मंचर येथे कार्यरत असलेले शिक्षक गोरक्षनाथ केदारी यांचे ते आजोबा होत.
गंगाराम केदारी हे प्रेमळ, मनमिळाऊ व कुटुंबवत्सल स्वभावाचे होते. त्यांच्या निधनाने कुटुंबीय, नातेवाईक व आप्तेष्टांमध्ये शोककळा पसरली आहे. त्यांच्या जाण्याने कुटुंबीयांनी आपल्या जिव्हाळ्याचा आधार गमावला आहे. त्यांच्या पश्चात राहिलेल्या कुटुंबीयांप्रती सर्व स्तरातून शोकसंवेदना व्यक्त करण्यात येत आहेत.